Pagina:Pronostici e versi di Camillo Nalin 1.djvu/268

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Sul leto pacifico
     De morte aparente
     I aspeta che capita
     El zorno vegnente,
Supiando da mantesi
     Coi ochi sarai,
     O fando le tombole
     Se i ze desmissiai,
Mi povaro diavolo
     Atorno del cielo
     La mente me logoro,
     Me limo el cervelo,
Misuro ogni spazio,
     Percoro ogni sito,
     Su tuto me ocupo,
     De tuto aprofito,
Distrugo l'idrogeno,
     Disperdo i vapori,
     Anichilo i atomi,
     Divido i colori,
Sospendo l'eletrico,
     Perseguito i venti,
     Dispono l'amalgama
     Dei quatro dementi,
Dilato le nuvole,
     Sparpagno el baligo,
     E osservo le Pleiadi
     Che gode l'amigo,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/268&oldid=57994"