El mio barilometro
Co un sechio de vin,
Baston fato a crozzola,
El saltamartin,
Un per de pantofole,
Un fià de faral,
La bozza de spirito
Se mai me vien mal,
I fosfori, el cotego
Col lardo tacà,
El vaso cacometro,
El mio papagà
E là, logo magico,
Dal qual vegno fora
Co nasce i crepuscoli,
Co sponta l'aurora,
Ze dove che intrepido
Cimento l'onor,
Corendo sui secoli
In barca a vapor,
Ze dove che in estasi
Movendome apena
Sin che done e omeni
Se slapa la cena,
E sin che scordandose
Disgrazie e malani,
Che dà à l'uman genere
Sta vale de afani,
