Pagina:Pronostici e versi di Camillo Nalin 1.djvu/260

Da Wikisource
Sta pagina la xe stà trascrita, ma la gà ancora da vegner rileta.

Boote che fandoghe
     Da orso a Megera
     El mola le redene,
     El va de cariera,
Mnemosine in cotolo
     Che tuta una note
     Comenta co Lepido
     Cornelio Nipote,
Vicin Forapopuli
     Dionisio el tiran,
     Che visto el carnefice
     Ghe struca la man,
Netuno che in gondola
     Sentà co Susana
     Sorpreso dal refolo
     Se cazza in cavana,
El mostro che Andromaca
     S'à messo a magnar
     Sui scogi de Cataro
     De dopo disnar,
Aspasia che a Procolo
     De sera in laguna
     Facendo un apostrofe
     Ghe mostra la lima,
Goldoni drio un alboro
     Atento che varda
     Le ninfe a far licite
     Sul lago de Garda,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/260&oldid=57986"