Pagina:Pronostici e versi di Camillo Nalin 1.djvu/259

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


L'ilustre sarcofago,
     Che i ga a Malamoco,
     Co drento la cenere
     Racolta da un zoco,
Le cene economiche
     De carne de colo,
     Che ò fato da zovene
     In campo a san Polo,
Le brute maranteghe
     Che dise magari,
     La sposa de Tantalo
     Che sfida danari,
El crudo Anassagora
     Che co la so spada
     El tagia finissima
     La robasalada,
Didon che trovandose
     Con Poro de sera
     Per no comprometerse
     La volta bandiera,
El tristo Cartesio
     Che su una fugassa
     In zorno de tempori
     Ga fato man bassa,
Chiapà da un'artritide
     Scipion african,
     Che arente de Tetide
     Se cava el pastran,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/259&oldid=57985"