Pagina:Pronostici e versi di Camillo Nalin 1.djvu/228

Da Wikisource
Sta pagina la xe stà trascrita, ma la gà ancora da vegner rileta.

     E i scartafazzi,
     Dove ogn'idea sora l'astronomia
     Apena digeria
     La molo a brazzi.
Per i afari d'Ufizio
     In numero magior del consueto
     A qualche straordinario sacrifizio
     Me so trovà costreto,
     E per dirvele tute
     Nel'ano trentaoto
     Go avudo un scopeloto
     A la salute.
Ma per l'ano quaranta, che restà
     Me ze nel precedente
     Qualche ora del zorno in libertà
     Da meterme in corente
     Con coragio,
     Eco che stampo el solito presagio,
     E per poderlo dar,
     Come che ò sempre fato, positivo,
     Perchè i astronomi possa regolar
     Le so bambine idee su quel che scrivo,
     Ritratando le buzzare patenti,
     I sonori stramboti,
     Le lasagne imponenti,
     Che'l titolo de doti
     Mendicando,
     I ze andai semenando,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/228&oldid=57942"