Pagina:Pronostici e versi di Camillo Nalin 1.djvu/227

Da Wikisource
Sta pagina la xe stà trascrita, ma la gà ancora da vegner rileta.

     Lassando porta averta a tutiquanti,
     E ghe n'ò visto tanti
     Co tuta la so chiacola
     Sorpresi, imatonii,
     Confusi, sbalordii,
     Da quela racola,
     E diversi restar come stivai,
     Val a dir come i gera capitai.
Nel trentaoto ben incaminà
     De casa m'ò cambià,
     Cambianza che m'à fato
     Assae deventar mato
     Per trasportar senza che i vada in pezzi
     Tuti quanti i mii atrezzi,
     Che ghe n'ò un arsenal,
     Le machine, i aparati,
     L'imenso canochial,
     Che me costa un bel grumo de ducati,
     La mia gran libraria
     Sora l'astronomia,
     El mio rico museo d'antichità,
     De scienze e d'arti,
     Che oramai contarà
     Cento e più mile pezzi senza i scarti;
     Le mie carte geografiche, i modeli,
     I disegni, le stampe, le piture
     De classici peneli,
     Le mie dote scriture

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/227&oldid=57940"