Pagina:Pronostici e versi di Camillo Nalin 1.djvu/158

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

     Tante note che mi buto le bave
     Tra la sfera, la bussola, i compassi,
     Aver fama de astronomi valenti,
     Per le bele scoperte
     Che i fa senza bisogno de le lenti,
     Longhi destesi soto le coverte
     Arente la muger che li descola,
     Quando invece la mia la dorme sola.
Mi che, lassando i scherzi da una parte,
     Son peritus in arte,
     E che fra i leterati no voi posto
     Perchè l'è fumo, e mi ghe tendo al rosto,
     Senza pompa d'estese erudizion,
     E senza entrar in certe digression,
     Che dita a la parola
     Ve rompe 'l cesto s'anca el ze de tola,
     E un'aca no le val,
     Me ocuparò de l'ano in general
     Fando su le stagion nel mio presagio
     Quatro sole parole de passagio.
L'inverno sarà breve,
     El fredo moderato,
     Su le montagne cascarà la neve,
     Ma la pianura sarà esente afato;
     No supiarà la bora, nè i sirochi,
     Che fa i zenochi a tochi,
     No vegnarà calighi a importunar,
     E con un gusto mato dapertuto

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/158&oldid=57683"