Pagina:Pronostici e versi di Camillo Nalin 1.djvu/157

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

     Quanti goti de aqua ze cascà
     In quei quaranta dì che à scravazzà.
Seguitando quei metodi minchioni
     Ai quali vedo tuti che se adata,
     Plagiari dei schiesoni,
     Anca mi co una longa schicarata,
     Se gavesse bisogno, savaria
     Sul trentasete far la profezia,
     E podarave dir
     Una gran filastroca de insensae
     Col scopo de impenir
     Varie fazzae,
     Ma mi che no coltivo
     El misero progeto
     De conseguir sto efeto
     Quando scrivo,
     Non avendo altro fin precisamente
     Senon quel de predir cosse sicure,
     Aciò tuta la zente
     A tempo possa tor le so misure,
     E confermar la publica opinion
     A le mie predizion
     Co materia che sia
     In modo conveniente digeria
     Per darghela in tel muso
     A vari che me invidia e me gà suso,
     Perchè i pretendarave,
     Dormindo come tassi

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/157&oldid=57682"