Pagina:Pronostici e versi di Camillo Nalin 1.djvu/154

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Da le balorde menti
     De vari pretendenti
     Sora ipotesi astrate e eronee basi
     Senza gnanca saver cossa sia fasi,
     Me son co le mie viste dedicà
     Su l'antica question
     Che i ga tanto e po tanto ventilà,
     Ma che a so confusion
     La ze ancora indecisa, se sto mondo
     Sia sferico opur tondo,
     E da un studio penoso e diligente,
     Da estese e complicate operazion,
     So al caso de concluder francamente
     Che 'l mondo ga la forma d'un balon;
     No i ze misteri,
     E nu che lo abitemo
     In conseguenza semo
     Baloneri:
     E za madre natura,
     Che co soma bravura
     E co mezzi indireti
     La lassa qualche volta penetrar
     Nei so secreti,
     La ne lo fa provar
     Se se va avanti
     Coi ani a tutiquanti,
     E un dato material a la lontana
     In te la spezie umana

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/154&oldid=57679"