Pagina:Pronostici e versi di Camillo Nalin 1.djvu/145

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     A boca piena
     Per far marenda, per disnar e cena,
     Cussì basà su le mie osservazion,
     E sui mii risultati,
     Che no sofre ecezion,
     Li batizzo per mati,
     Senza regola,
     O sciochi, o visionari,
     O tanti Belisari
     Che no ghe vede fregola,
     Avendone contà
     Co una certa aparente verità,
     E tolendone via
     Come che se toria
     I tangari che vien da le montagne,
     No so po con che mira,
     Dele vere lasagne,
     Che pesava le picole una lira.
A mi, no gh'è ingarbugi, no gh'è impianti,
     Per i ogeti astrusissimi del cielo
     Bisogna che in giornata tutiquanti
     I se cava el capelo,
     E bisogna che i astronomi ignoranti
     I se beva la garba col mastelo,
     Se za co dago zoso la bacheta
     No fasso da indovin, ma da profeta:
     Per mi gnente ze sconto,
     E senza mai falar

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/145&oldid=57668"