Pagina:Pronostici e versi di Camillo Nalin 1.djvu/144

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Ma quando che l'è a segno,
     Ossia co l'ò pusà sul cavaleto,
     Me posso meter a qualunque impegno
     Sicuro de l'efeto:
     Mi, torno a dirlo, pien de cognizion,
     E assistio a perfezion
     Da sto istromento,
     Tirando ogni mumento
     Do ochi da falcheto,
     Lassà go per progeto
     Da una parte
     El sol, venere, marte,
     E mercurio e saturno e 'l somo giove,
     E co regole nove
     M'ò ocupà de la luna solamente
     Seguitando el furor de la corente.
E sicome me so tegnù a giornata
     D'ogni scoperta fata
     A forza, i dise lori.
     De dispendi e de stenti,
     Dai nostri più valenti
     Osservatori,
     Ch'anca l'ano passà su la gazzeta
     De quando in quando i ne n'à dà una feta,
     Che, per spiegarme in modo figurato,
     La podaria bastar
     A qualunque più ingordo leterato,
     Che ghe piase magnar

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/144&oldid=57650"