Pagina:Pronostici e versi di Camillo Nalin 1.djvu/110

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     E sarà le signore
     Stufe dei so galanti,
     Che chiapai dal siroco i ze pesanti.
Gavaremo calighi ma de quei
     Che destira i cavei
     Malapena scotai,
     E che co andarè fora
     Ve ridurà bagnai
     In manco de mezz'ora;
     Le barche dei tragheti
     Vogae da barcarioli i più proveti
     Facendo la parada
     Se perdarà per strada,
     Le cigarà sia premi,
     Le cigarà sia stali,
     Le se urtarà coi remi,
     Le petarà in tei pali,
     E qualcheduna in tanto curto viagio
     El rischio corarà de far naufragio.
A una maniera nova
     Vegnarà zo la piova,
     E tantissimi di
     No bastarà nè ombrela nè stivai
     Che se sarà negai
     Dai cavei de la testa sina ai pì;
     L'aqua penetrarà
     Dai colmi ai primi piani
     Portando imensi dani;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/110&oldid=57409"