Pagina:Pronostici e versi di Camillo Nalin 1.djvu/109

Da Wikisource
Sta pagina la xe stà trascrita, ma la gà ancora da vegner rileta.

     La ua poca e incandia
     Ne predirà de vin
     Gran carestia,
     E da fien e d'erbagi e d'ogni fruto
     Penuria de per tuto,
     A grado che le zuche
     Sia sante, sia baruche,
     Sto ano fra i signori
     Farà i so gran furori.
El caldo arivarà
     A trenta gradi e che la staga là:
     I omeni più forti e ben tressai
     Sarà mezzi desfati e supegai:
     Le done povarete snombolae
     A forza de suae:
     Da l'ardor afanai
     Sarà tuti per tuto spalancai,
     E quel che mai s'à dà
     Spesso se trovarà
     Su la publica strada
     Con oror
     De la zente negada
     In tel suor.
No ghe sarà a memoria de nissuno
     Piu scelerato autuno;
     Dominarà sirochi
     Da far le gambe a tochi
     A tute le ore,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/109&oldid=57408"