Pagina:Pronostici e versi di Camillo Nalin 1.djvu/106

Da Wikisource
Sta pagina la xe stà trascrita, ma la gà ancora da vegner rileta.

     Indove da per tuto francamente
     Caminarà la zente,
     E dove farà viagio
     Anca quei che no ga certo coragio;
     Senza boleta e senza contrabando
     A l'uso de cucagna
     Andarà da ogni parte capitando
     La roba che se magna;
     A tiro a sie cavai sul canal grando
     Se gavarà la bruta compiacenza
     De veder a arivar la diligenza;
     Corarà suso e zo sera e matina
     Da Mestre e da Fusina
     Timonele, carozze, caretoni,
     E smontarà in piazzeta,
     O su la nostra riva dei schiaoni,
     Chi col fagoto chi co la sacheta
     E chi coi so forzieri
     Vestii come i va in Russia i forestieri.
     Quaranta zorni a da durar el giazzo
     Nel nostro canalazzo,
     E per l'interno
     Squasi tuto l'inverno,
     Grosso tre bone quarte e cussì duro
     Che ghe ne indormo al muro,
     E quel che mai s'à dà, cossa assae strana
     Drento de qualche alogio
     Co tuti i quatro lati a tramontana

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/106&oldid=57405"