Pagina:Pronostici e versi di Camillo Nalin 1.djvu/103

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     E quela bruta striga,
     Che no ze tropo franca nel latin,
     Nè à volesto adatarse a la fadiga
     De vardar qualche volta el calepin,
     La me l'à no tradoto, ma tradio,
     La ga fato desio,
     La me l'à rovinà;
     Co ò scrito chiaro la ga scrito scuro,
     L'è andada avanti co go stralassà,
     Co ò messo molo la m'à messo duro,
     La à fato punto co go seguità,
     La m'à la zuca convertio in t'un pomo,
     La me ga batizzà salata el fien,
     La m'à la bestia baratà co l'omo,
     La à dito mal co mi go dito ben,
     Cussìchè se previen
     Chi lese el mio presagio de sto ano
     Che l'è trato in ingano,
     E che quela trombona
     Quel'infame poltrona
     Poco onesta
     Ga ficà de so testa
     Co cativa maniera
     Certe bestialità, certe lasagne
     Che no gh'è su la tera
     Le compagne;
     Dopo de sta avertenza
     Che ò credesto de darve

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/103&oldid=57402"