Pagina:Pronostici e versi di Camillo Nalin 1.djvu/101

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Nonostante me glorio
     Aver podesto
     Mostrar a colpo d'ochio esatamente
     D'ogni corpo celeste in esistenza
     Fisso, vagante, opaco, risplendente,
     El nome, el sito, el corso, e l'influenza:
     Go ridoto a tabela,
     Impiegando sie risme e più de carta,
     La distanza che gh'è fra stela e stela
     Senza falar in tute de una quarta:
     E ò stabilio con calcolo profondo
     Quanto che ancora à da durar el mondo,
     Certo de no sentir a dirme dopo
     Che la montagna partorio ga el topo.
Tuti sti gran lavori,
     Ste mie opere tute,
     Che m'à costà suori
     E la salute,
     A le stampe darò
     Quando che gavarò
     Scrito le anotazion
     Per certa zente
     Che senza la più chiara spiegazion,
     Dura de modegal no intende gnente,
     Perchè le saria cosse da legnae,
     Senza farme la corte,
     Che al publico vegnisse defraudae
     Opere de sta sorte

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/101&oldid=57400"