Pagina:Poeti antichi del dialetto veneziano 2.djvu/67

Da Wikisource
Sta pagina la xe stà trascrita, ma la gà ancora da vegner rileta.

     Che un pegio sol, che digo un? che mezo;
     Che 'l despiaser che vien da la Signora
     Xe pezo che pugnal, che dalaora!
L'altro dì me dioleva el lai zanco.
     (Za che bisogna che 'l me mal te conta)
     Son corso a un Zaratan che gera in banco,
     E ò dito, mistro, vardè se ò la ponta.
     Lu m'à vardà in tel viìso, e à dito franco:
     Zugarò pegno, senza che desmonta,
     Che la to dogia nasse da una fia,
     E no da ponta, e no da malatia.
Lavaure de cao, scarpe, e laùto
     Me costa un stato co sto amor novelo;
     Che per parer tilao consumo tuto
     El mio vadagno e fazzo el gavinelo;
     Mo, corde, scarpe, e lavaure buto,
     E la vita, ch'è pezo, anca al bordelo;
     De sorte che consumo le zornae
     I danari, l'onor, la sanitae.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/67&oldid=68058"