Pagina:Poeti antichi del dialetto veneziano 2.djvu/35

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


IL SOGNO


Ò quel serpente de la zelosia
     Che m'à butà in le vene el so' velen,
     Che se vedo un osel sora 'l mio ben
     Temo che infina lu mel porti via.

Amor, che vol mo darmela compìa,
     Fa spesso che in insonio ela me vien,
     E me par de vederla a un'altro in sen
     Nemiga sì che la scortegarìa!

La me par impegnà per questo e quelo;
     E chi po' xei? rivali e mii nemighi
     Che gode del so' ben, del mio martelo.

No basta che vegiando ò tanti intrighi,
     No basta che custìa no ga cervelo
     Che ò, per zonta, al dormir de sti castighi.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/35&oldid=67824"