Pagina:Poeti antichi del dialetto veneziano 1.djvu/99

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Varda ben, Cate fia, chi te xe schiavo;
     Varda chi ti à per cà, donca, ben mio;
     75Dime con tuto el cuor, Nico, te cavo;
Va col to caro pegno dal Zudìo,
     Ch'a ogni modo co isso, a la fè, fia,
     78Tel scuodo con dar via tanto del mio;
Tel scuodo al corpo de Dona Custìa.
     Senti, prova sta volta, e se te falo
     81Fame un rebufo, e dime vilanìa;
Se stago qua do' dì certo me amalo,
     Gh'è rospi, ghe xe schiavi, e altra zente,
     84E ora mai ò granceole zonte al palo.
Chi no ga soldi fa le male stente;
     Mi no ghe n'ò ch'i ò spesi tuti a cena,
     87E adesso la fazzo a un fil perdente.
Pota de i zafi! mo i me l'à dà piena;
     Ma basta, ah cani, ancora no so' fuora,
     90E se Nico no v'onze un dì la schena
Che 'l so' fin sia s'un ponte o s'una stuora.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/99&oldid=64130"