Pagina:Poeti antichi del dialetto veneziano 1.djvu/90

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


MATTINATA A CATE


1Mi no vorave za se mi podesse
     Istizzarme con ti, Cate sorela,
     Perchè ti sa' ben tì, che me recresse
     Co Donete par toe zogar de mela;
     Ma daspuo che le berte xe sì spesse,
     L'è forza che mì rompa la favela,
     L'è forza, a fede, che zuoga de tonfo
     Aciò ti veda che mi no son un zonfo.

2Mi ghe n'ò soportae pì de cinquanta
     Per no vegnir a le brute del saco,
     E ò ingiotìo quela del quaranta
     Quando ti xe andà via con quel Bubaco;
     No ò dito gnente quando che con tanta
     Descortesìa ti m'à impegnà el mio zaco;
     Ò soportà quela d'esser bastonao
     Per amor too da un bulo strupiao.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/90&oldid=64121"