Pagina:Poeti antichi del dialetto veneziano 1.djvu/81

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



186No semio tuti de una Patria istessa;
     Fioli de San Marco, e del so Stado?
     Che Dio el mantegna, e fazza pur ch'el cressa,
     Che 'l ben ch'avemo, lu ne l'à donado;
     Però, fioli mii, no ve recressa
     De far come che mì v'ò recordado:
     Viver in pase, amarse da fradei,
     E lassar star ste gare e sti bordei;

187Altro no posso dir, che sento chiaro,
     L'anema fuora del mio corpo salpa;
     La gripia no se tien più gnente al faro.
     In questo el fronte un co le man ghe palpa,
     Che de suori el ghe n'aveva un caro,
     Fredi più che no xe neve su l'Alpa;
     E cussì Giurco con contrizion
     Spirò sperando aver dal Ciel perdon.

188Parechi de zembai ghe ne restava
     Che per no aver soldi da guarir
     In Gheto topi e letiere impegnava.
     Altro in Venezia no s'avea che dir,
     Che de sta guera sì gagiarda e brava.
     Gera un solazzo talvolta sentir
     Certi mati ostinai e parziali
     Che adosso i se saltava co fa i gali.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/81&oldid=64113"