Pagina:Poeti antichi del dialetto veneziano 1.djvu/27

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



24In questo tempo Agresta, Tasso e Lilo
     In cao la meza testa se fracava,
     E per mostrar ch'i no gavesse filo
     Contra dei Castelani se afrontava.
     Certi, che fato avea come fa 'l grilo,
     Fuora del buso la testa i cavava,
     E tuti insieme per forza de legni
     Fa i Castelani tornar ai so' segni.

25Qua se sentiva tiche, tache, toche
     Su i gomii, su i schinchi, su i zenochi,
     E ve so dir che no le gera roche
     Ma legni duri come xe batochi.
     Tasso una ponta tira tra le coche
     A Fiuba, ch'è saltà co' fa i ranochi,
     E tuto quanto d'angossa el suava;
     Mai no fu vista una guera sì brava!

26Da ogni banda tuti stava a l'erta;
     Se vedea bulegar de legni un fasso,
     Tota in sto tempo à pià una smerta,
     E corse zo del Ponte insin a basso;
     Che ve so dir che l'à bu la so' oferta!
     No s'à mai visto cussì bel fracasso;
     I Gnati dal Ponte no podea avanzar
     Che i Castelani i feva retirar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/27&oldid=64055"