Pagina:Poesie veronesi (Giovanni Ceriotto).djvu/98

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.




II.


     Così, tra la canson de montanina
e quel fosseto che se fa la strada,
passando soto a rame che se inchina,
me trovo a spasso in meso a la valada:

     L'è 'na gondola; el par che la se nina
dal gusto d'essar tuta immerletada;
la se piase parchè l'è picinina
come 'na bomboniera impiturada.

     Gh'è le vignete che se core a drio,1
co i albari che i g'à tra rame e foie
'na fameia dei osei che se fa el nio;

     e tra du cai de 'na tirela rota,
gh'è su 'na corda de le pesse moie,
che le se suga2 soto al sol che scota.3

  1. se core a drio: si rincorrono
  2. suga ― asciugano
  3. scota: brucia
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/98&oldid=64025"