Pagina:Poesie veronesi (Giovanni Ceriotto).djvu/93

Da Wikisource
Sta pagina la xe stà trascrita, ma la gà ancora da vegner rileta.
III.


     Qualche caseta persa1 se despera
parchè el camin l'è straco de fumar,
parchè un putin che se remena in tèra
l'è sensa cuna e el se voria cunar:

     parchè quando co i boti de la sera,
el sior se scalda a torno al fogolar,
ela invesse la scolta 'na preghiera
de 'na fameia che voria magnar.

     Lontan el Baldo che 'l se guarda a torno,
che l'à robà2 quel toco de camisa
magari sul più bel del mesogiorno,

     el me g'à l'aria de quei veci chieti,
come me nono da la barba grisa,
che 'l ghe conta le storie a i puteleti.

  1. persa: perduta
  2. robà: rubata
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/93&oldid=64020"