Pagina:Poesie veronesi (Giovanni Ceriotto).djvu/82

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



     soto a la capa vecia da i pensieri,
straca1 de compagnar el fumo al vento;
e credarghe se pol parchè anca ieri
108el fumo l'è tornado ancora drento.

     No s-cioca2 più le sdinse e su le brase
no se vede ne sòca e ne fassina:
el camineto su la casa el tase
112spetando el fumo de doman matina.

     I rami i s'à cavado zu quel'òro
che se vedea slusar davanti al fogo;
nel me cor s'à smorsà3 tuto quel còro
116de poesie che m'à cantà sto logo.

     Par ti camin de la me casa vecia
el fogolar se tornarà a impissar,
e se rosarie te me porti in recia,
120soto a la capa tornarò a cantar!

  1. straca: stanca
  2. s-cioca: schioccano
  3. smorsà: spento