Pagina:Poesie veronesi (Giovanni Ceriotto).djvu/59

Da Wikisource
Sta pagina la xe stà trascrita, ma la gà ancora da vegner rileta.
Santa Lussia no la ghe vede


     — Senti, putin, cosa che ò visto ieri:
Ò visto Santa Lussia a spassesar,
l'ò vista andar su e zo par i sentieri
de 'na montagna e in sima a un luminar;

     l'ò vista a far bao-sete par i veri
e po' da novo1 l'è tornà a scapar,
par far la guardia sora i copi neri
de un camineto che 'l volea fumar;

e dopo su la gresta de quel monte,
spetando inzenocià l'Ave Maria,
sminciando2 le casete mese sconte...

     — Ma lu l'è mato!... Ci èlo che ghe crede
che Santa Lussia vada a far la spia,
se quela Santa, sior, no la ghe vede!...

  1. da novo: di nuovo
  2. sminciando: sbirciando
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/59&oldid=63982"