Pagina:Poesie veneziane scelte e illustrate da Raffaello Barbiera, Firenze, Barbèra, 1886.pdf/349

Più fiama de soto ― supiemo,¹ supiemo,
Che gusti, che zogie,² la bogie, la bogie,³
La va, la galopa, la zira, la sciopa⁴
La fa la monfrina,⁵ farina farina,
La salta per soto, la sbrodola fora
Portème in cusina,⁶ farina farina.

          Ocio, ocio,⁷ oè Batocio!
          Ciappa in man tecia e caena⁸
          Miscia, volta, zira, mena,
          Dème⁹ el tocio ― ocio ocio,
          Mola, tira, tira, mola
          E destira e stinca e fola,¹⁰
          La xe frola ― dài de qua
          Dài, dài, dài, la broa,¹¹ la scota,
          La xe cota, la xe cota,
          Sior Florindo, la se senta¹²
          Che xe fata la polenta.

     Dunque, magnèmola. ― Ghe manca el sal!...
Sal de la favola ― Xe la moral.
Eco la spatola ― La xe el mi' estro,
La xe el mi' genio ― Pronto e maestro:
E quel finissimo ― Fior de farina
Vol dir Rosaura ― E Colombina.
L'acqua broenta¹³ ― Xe el nostro cuor,
E la polenta ― La xe l'amor.

1. Soffiamo.
2. Gioie.
3. Bolle.
4. Gira, scoppietta.
5. Balla la monferrina.
6. Portatemi in cucina.
7. Attento, attento.
8. Prendi in mano il paiuolo (tecia propriamente tegame) e la catena del focolare.
9. Datemi.
10. Distendi, e premi la polenta colla spatola, e pigia.
11. È bollente.
12. Si sieda.
13. Bollente.