Pagina:Poesie veneziane del conte Francesco Cestari.djvu/47

Sta pagina la xe stà trascrita, ma la gà ancora da vegner rileta.

IX.

Xe vero, che se adesso
     Per Nina mì sospiro,
     E che se mì deliro
     Ghe n'à la colpa Amor:

Xe vero, che risparmia
     Quei che no vive amanti
     I tanti afani e tanti,
     Che prova sto mio cuor;

Ma sto sofrir che fazzo,
     Ste pene che mi sento
     Xe causa d'un contento
     Che st'altri po no ga.

Me paga con usura
     Dei mali che mì provo
     El gusto che in mì trovo
     Co Nina m'à vardà.