Pagina:Poesie veneziane del conte Francesco Cestari.djvu/43

Da Wikisource
Sta pagina la xe stà trascrita, ma la gà ancora da vegner rileta.
V.


Quel modo de vardarme;
     Quel to parlar modesto;
     Quel farte rossa presto,
     E quel to impalidir;

Ga in mì portà, Nineta,
     Un certo cambiamento,
     Che gusto e che tormento,
     In cuor me fa sentir.

Come po che se chiama
     Sti efeti che mi provo,
     Sto certo chè de novo
     Che adesso sento in mi,

Se mai ti lo savessi,
     Cara Nineta mia,
     Dime che cossa el sia,
     No me lassar cussì.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veneziane_del_conte_Francesco_Cestari.djvu/43&oldid=56189"