L'INSONIO.
Quando m'insonio
De quela bela
De quel'amabile
Ortolanela,
5Che vende bocoli,
Latughe, e brocoli.
La trovo docile,
La trovo amiga,
Par, che la spasema,
10Che la me diga:
Per ti soleto
Mi sento afeto.
E tuta fervida
Tuta tremante,
15Che la me cocola
In quel istante
Con certa grazia,
Che mai non sazia.
Ma quando Fosforo
20Ne porta el zorno,
E che solecito,
Ghe coro intorno
L'Ortolanela
No xe più quela.
