Pagina:Poesie edite ed inedite de Lodovico Pastò venezian.djvu/79

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Che fuge la gran moda,
     Benchè nol la disprezza:
     Che mai se vede in colera,
     30Nè mai de mal umor,
     Se nò quando i lo toca
     Dasseno su l'onor:
     Prerogative tali,
     Che fa, che tuti el brama,
     35Che fa, ch'ognun lo stima,
     Che tuti quanti l'ama.
     Ma dove xelo mai
     Un omo cussì fato?
     Se ve metè a cercarlo,
     40Perdia! deventè mato.
     Dei omeni de sesto
     Ghe n'è per tuto el mondo;
     Ma el gesto solamente
     No fa l'Omodemondo.


NOVELA.


Una certa Donzelona,
     Rica nò, ma zentildona,
     Che viveva sola, e quieta
     Con un cuogo, e una serveta,
     5Una sera vol andar
     A trovar una regazza,
     Che ghe stava squasi in fazza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/79&oldid=63860"