Pagina:Poesie edite ed inedite de Lodovico Pastò venezian.djvu/78

Da Wikisource
Sta pagina la xe stà trascrita, ma la gà ancora da vegner rileta.
L'OMODEMONDO.


Omodemondo vu?
     Oh, questa no l'inghioto,
     E se 'l disè dasseno,
     Per crispo, che sè coto!
     5L'omodemondo è un ente
     Afato imaginario,
     Stè certo, caro Toni,
     Lo digo, e no zavario:
     L'Omodemondo è quelo,
     10Che è pien de convenienza:
     Che adopera el saver
     Unito alla prudenza:
     Che a vincer le passion
     A' prencipià da puto:
     15Che è sordo co bisogna,
     E co bisogna muto!
     Che mai se fa prezioso,
     Nè mai se tien in bon:
     Che cerca de trovarghe
     20In tuti un fià de bon:
     Che a tuti ghe dà el soo:
     Che parla poco, e giusto,
     Ch'è è sempre quel'istesso,
     Anca col xe in desgusto:
     25Che no cura i tesori,
     Ma 'l necessario sprezza:

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/78&oldid=63859"