Pagina:Poesie edite ed inedite de Lodovico Pastò venezian.djvu/74

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Tasè là, che ciocolata?
     La ga drento tropo zuchero,
     La ve fa la boca inscipida,
     115La ve move ruti e flati,
     La fa farve tropi fati;
     Ma, se tanto la ve piase,
     Ve la lasso in santa pase...
Siora nò, gnanca i sorbeti,
     120I fa un fredo che i destermina,
     I fa mal ai denti, al stomego,
     Al polmon, a tuti i visceri,
     Ghei consegno al arcidiamberne,
     Che'l li porta a cafurlon,
     125E mi bevo el zabagion.
E mi bevo el zabagion
     Sia d'inverno, sia d'istà,
     Perchè a tute le stagion
     Lu soleto se adatà.
130Gaveu caldo? lu ve sora.
     Gaveu fredo? el ve restora.
     Gaveu fame? el ve nutrisse.
     Gaveu mal? el ve guarisse.
     Guai! se ognun lo conossesse.
     135Guai! se tuti ghe ne avesse,
     Schiao patroni, Siori Medici,
     I farave pochi ruspi...
Ma, cospeto!
     Son stufeto...
     140Mo, sì, cara, perdonè,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/74&oldid=63855"