EL ZABAGION
Momola, chi è che bate?
Dasseno la mia Nina?
Ghe vaga in contro Cate,
E fermite qua ti.
5Dà qua, la mia velada...
Tireme su i cavei...
Dame una scovolada...
Basta, va ben cussì.
Mo che regalo è questo,
10Cara Nineta mia!
Olà regazze, presto,
Tireghe zo el zendà...
Dediana, se pol dar!
Sempre gavè ste presse...
15Oh, no me fè inquietar,
Fermeve un poco qua.
Da brava, svelta, Momola,
Tiò vinti vovi, e sbateli
Con del perfeto zuchero,
20E diese goti, o dodese
De late squisitissimo,
E fame a fogo languido
El solito bruetin,
Zontandoghe do cugnoli
25Del megio maraschin.
Sì, Nina amabile,
