Pagina:Poesie edite ed inedite de Lodovico Pastò venezian.djvu/69

Da Wikisource
Sta pagina la xe stà trascrita, ma la gà ancora da vegner rileta.

     Che tuto el dì mandava roba in gheto;
     Ma fa ancuo, fa doman un tal mistier,
     Perdia! che se n'à acorto el bon cucheto;
     E doparando a gradi un bravo legno,
     El l'à messa a la fin sul bon contegno.
Saveu quanti ghe n'è de tale quali,
     Che xe pitochi, e che no i sa perchè;
     Che ga la testa simile ai cocali,
     Che se fida de quanti, che ghe xe,
     Che tardi se ne acorze dei so mali,
     E tardi i va cigando; oh dio! oimè!
     Ma rimedio no gh'è per el so mal,
     Perchè più no se trova un fra Vidal.


PER UN CELEBRE PREDICATOR.


MADRIGAL.


Padre, ve servirò,
     Ve lo prometo mi, no parlerò;
     Solo me sia permesso..
     Taso, gavè rason, perchè ò promesso.
     Ma se anca taso mi,
     Za che la mia desgrazia vol cussì.
     Cossa mai vadagneu? conteme su,
     Se tuti, e tuti parla ben de vu.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/69&oldid=63850"