Per saldo del destruto capital,
E come che le gambe gera sie,
185Vinti sie soldi, e un bezzo fa per pie.
E po' el pronuncia a sorte: pagàrà
I do terzi la mussa, e quel che resta
Ghe toca al musso; la reson xe quà:
I piè deve pagar mi tanto a testa.
190Co quattro piè la mussa ga pestà,
E l'aseno con do: la lege è questa.
El li saluda serio, e 'l volta via:
Ve saludo anca mi, Bondisioria.
Come che vedè, ristampando sta ultima volta el mio Friularo, la mia Polenta, e 'l mio Lesbin, go zontà alcune dele manco pezzo de quele miseriete, che andava butando zo de quando in quando, per una rason, o per l'altra, mai con l'idea de volerle espor al Publico; ma siccome la magior parte de vualtri, per dir la santa verità, no fava, che domandarne la copia ora d'un pezzo, ora del'altro, ora de quel'altro,
