Pagina:Poesie edite ed inedite de Lodovico Pastò venezian.djvu/108

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Sto cuor sarà de Nomola
     40Più bela assae de ti...
Ti pianzi?... ah, sì, vergognite
     D'aver quel cuor in sen...
     Va pur, va là, destrighite,
     44Va in brazzo del to ben.


NOVELA.


     U na zovene, mugier
D'un richissimo Spicier,
Arlevada ala gran moda,
E per questo poco soda,
5Incontrando in t'un mario,
Che al so genio no va drio,
La se inzegna, povereta,
De pelarghe la borseta.
Col consorte andava in leto,
10La vardava soto ochieto
Dove el trava i so bragoni,
No moderni; ma pienoni
De datrenta, de trarini,
De ducati, e de zechini
15Per provederse de bezzi
Da fornirle de strighezzi.
Tuto el zorno po' la gera
In fruston co la massera,
     Per comprar dai chincaglieri,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/108&oldid=63811"