Pagina:Poesie e satire di Pietro Buratti veneziano.pdf/269

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

     E in pien co passà
Me gera l'imbrogio
D'un certo mio scogio
Che rider me fà.)
Mostrava a quel publico
Gran dose de sal,
A tempo sonando,
E pronto cambiando
El logo al messal.
     Ma quel che ogni dì
Pesava su mì
Da farme de ciera
In bota cambiar
Saveu cossa el gera?
Quel bel ritornelo
Che gh'è a mezzo introito
Tra prete e putelo
Me arivio a spiegar?
     Lo digo a la prima
Scartando la rima
Perchè l'è in latin
El nostro Confiteor.
(Vardè mo che buzera!)
Sto scogio Divin
Per mì gera in vila
El scogio de Sila
A tanti fatal.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/269&oldid=58659"