Pagina:Poesie e satire di Pietro Buratti veneziano.pdf/243

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Che in principio de l'inverno
     Co le reduce in paese
     Procurar me pol sto terno
     Un ricorso del Marchese.
Che l'è un Russo lasagnon
     Ma che in fondo se ghe diol
     El castigo, e la preson
     Stà in arbitrio di chi vol,
Che de gloria monumento
     Come in bloco in altri dì
     El tornar tre mesi drento
     No xè adesso più per mì.
Che compagni al dispiacer
     Gò tre cari fantolini
     La Madona, e la mugier
     Che no sorbe che i mi nini.
E a dispeto de sti mali
     Che gò dito, e go ridito
     A copisti materiali
     La consegna el manoscrito!
Per far presto per zimbelo
     De mì povero merloto
     Quatro scribi (giusto cielo!)
     La gà cuor de meter soto.
Quatro scribi che xè in pratica
     De spropositi al so banco
     E che in drio fin de gramatica
     Fala i versi o lassa in bianco.
Ne contento de sto tiro
     Che la cresema ignorante
     Perchè el furto vada in ziro
     La propaga l'Elefante.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/243&oldid=58632"