Per la miseria
No ghe vol fredo:
Grami! lo vedo
Dovè sofrir,
Quel fio fa grizzoli,
El bate i denti,
El xe a momenti
Là per sbasir.
E quela sbrindola,
Credo da late,
Che dona Cate
Scalda co ’l fià?
El ghe xe un’alega
Quel fazzoleto,
La ga el naseto
Tuto giazzà!
Gh'è fogo, Gasparo,
Nel scaldinelo?
Ah! sina quelo
L’è destuà!
De cossa gerelo?
De pianaure?
Disè, creature,
Gavèu magnà?
Cerchè un sussidio,
Batè a una porta:
No la xe morta
La compassion. —
Risponde Gasparo:
— Se pianze i pani,
Mi no go afani
Sala, paron.
