Pagina:Pascolato - Versi Veneziani, Milano, 1928.pdf/15

Sta pagina la xe stà trascrita, ma la gà ancora da vegner rileta.

BON PRINCIPIO.

en mio, ben mio, se ti te vardi in spechio,

     Ti la vedi anca ti la verità:
     L’ano novo xe come l’ano vechio
     Co no torna più indrio quel che xe andà.

Dopo certe brinae non vien più magio,
     Nè rose co xe seche le raise.
     Augurii? Stochi, per farse coragio.
     Bon principio? Si, un dito che se dixe.

Ma va là principiar! Vardite in spechio,
     Vardime mi se son poco cambià!
     L'ano novo xe come l'ano vechio
     Co per nualtri no ghe xe più istà.