Pagina:Pascolato - Versi Veneziani, Milano, 1928.pdf/14

Sta pagina la xe stà trascrita, ma la gà ancora da vegner rileta.

FRUTERI IN FIOR.

n orto ghe xe el pero tuto in fior:

     Rami che trema, bianchi e delicati.
     Co quel mato de April no ghe xe pati,
     E guai se torna el fredo traditor!

S'ha 'verto le speranze in mezo al cuor,
     Bianche come fruteri senza fogia;
     Ma un fia' de vento subito le spogia,
     Ma un fia' de fredo fa cascar el fior.