Pagina:Marco e Tòdaro.djvu/97

Sior Mirza - Hassan - Sadri (goi' dito ben?)
     Posto che la vien tanto da lontan,
     Son qua a farghe anca mi, come convien.
     Un prostinò¹ co la bareta in man,
     E a dirghe in rechia, con permesso o senza,
     Do parole a la bona e in confidenza.

Via, la sia bon! Mi za no ghe domando
     Parcossa che la impianta i so paesi,
     Nè se in Persia costuma un omo grando
     Cambiar de religion ogni sie mesi:²
     Nè de saver me vien curiosità
     Se la vien de so posta, o pur pagà.

1. [p. 104]V. la nota 2. al n. VI.
2. [p. 104]Nel manifesto appiccato per le vie il Sig. Sadrì dichiarava d'esser stato prima Musulmano, poi d'essersi convertito alla religione Romana, e finalmente di averla abbandonata per la dottrina, a parer suo, evangelica.