Pagina:Marco e Tòdaro.djvu/159

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.

     Te digo: Marco mio, se ti ghe credi,
     (Lásseme dir, e crepa la modestia)
     120Ti xe dasseno la gran bona bestia!

«Sastu cossa che dise in sto argomento
     L'Anzolo che sta sora el Campaniel,
     123Che sa ben da che parte spira el vento,
     Ma che sempre al Paron resta fedel?
     Quel ch'el m'a dito e mi te lo ripeto,
     126Del mio gnanca una virgola ghe meto.

«El me ga dito . . . . . . »
                              Ma sior sì, che in quelo
     Che mi gera là atento che no arfiava,
     129El Moro de la tore e el so martelo
     M'à impedio de sentir quel che importava;
     Per zonta el Lloyd fischiava1 da lontan,
     132E da piazza vegniva altro bacan.

Proprio in quel punto, via dai Leoncini
     Vegnive sete, oto zovenoti,
     135De queli che se dise paroncini,
     Per le bravae, per le bestemie noti,
     E i andava cantando e strepitando,
     138Co qualche urlo bestial de quando in quando.

  1. [p. 161]I vapori del Lloyd Austriaco, che fanno periodicamente la traversata da Trieste a Venezia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Marco_e_Tòdaro.djvu/159&oldid=63364"