Stufo anca lu el Leon de la Piazzeta
De star sempre vardando la marina,
3L'ò visto mi, (parola da poeta!)
Darse un zorno una bela voltadina,
E là, la coa levando e i ochi in suso,
6Ridarghe squasi a Tòdaro sul muso.
Todaro, za savè, xe quel pianton
Che sta là drito su quel altro fusto:
9Brusco de ciera, un poco brontolon,
Che in ogni afar el vol sempre el so giusto;
Ma el xe a la fin de la più bona pasta;
12L'è un Santo venezian, e tanto basta.
