— 139 —
Lu invece pacifico
Da tute le case
El suna 1 notizie,
116Ma el medita, el tase;
E mai (se la storia
No inventa anca questo)
Cavarghe una silaba
120Nissun ga podesto.
I nostri politici
Se dise cristiani,
E pur coi catolici
124I trata da cani.
I papi no i tòlera
Nè vivi, nè morti;
E aver el batesimo
128Xe el pezo dei torti.
Lu in Chiesa, che sapia,
Nissun l'à mai visto;
Ma pur nol bestemia
132Nè i Santi, nè Cristo.
