II.
Se fa ogni tanto qualche bel congresso
che termina in magnifico disnar,
se parla e se descute del progresso
che vol la pele umana risparmiar;
tuti dise la soa, xe in tuti istesso
el pensier che l'à fati radunar;
se bandisse concorsi e xe parmesso,
a chi ga fede, de poder sperar.
Ma intanto che se parla e se descore
co tuta la più gran comodità;
e mentre passa i ani, i mesi e le ore
in ste academie a pro d'umanità,
la zo in Oriente, dove nasse el Sol,
i se sbuela tuti più che i pol.
