Pagina:Le Rime Veneziane e Il Minuetto.djvu/38

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


XVI.

Se fusse anelo in deo te vegnarìa,
E atorno al colo se fusse manin.1
Se fusse scarpa el pie te calzarìa,
El to bel pie sutilo e piçenìn.

Se fusse morte scamparìa da ti,
Se fusse vita starìa note e dì.

In sen te svolaria se fusse un fior,
E drento el peto se fusse l'amor.

XVII.

Co te vedo al balon,2 Rosina bela,
Fra çento fili atenta a no sbagliar,
O piçenina e bionda buranela,
Me vien vogia anca mi de lavorar.

Me vien vogia de star viçin de ti
A lavorar merleti tuto el dì.

Ma co me sento, me se infiama el cuor,
E buto via el balon per far l'amor.

  1. Sottilissima collana d'oro di zecchino.
  2. Tombolo, dove si lavorano i merletti.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Le_Rime_Veneziane_e_Il_Minuetto.djvu/38&oldid=63232"