7
Quanta potenza, amigo, quanta gloria
Fra sti marmi in rovina, e quanti esempi!
Ogni piera xe un libro, ogni memoria
4Un lume nela gran note dei tempi.
Poco o gnente li cura ancuo sti sempi
De omeneti montai de lori in boria,
Poco o gnente li cura ancuo sti empi
8Senza la religion dela so storia.
Vien, vien, Giaçinto. Qua sul Palatin,
Muti, come davanti a un gran dolor,
11Pensaremo a sta Roma e al so destin.
Vien. Sentiremo fra le nostre spine,
Come un'estasi cara drento in cuor,
14La gran malinconia de le rovine.
