A Venezia la gran malinconia
Dela quete... un sussuro enorme qua.
Cari, carozze, bestie, omeni... Oh via,
8Via da sto inferno che sofrir me fa!
O mia laguna! O piena de misteri
E de delizie gondola zentil!
11O spiritosi e boni gondolieri!
O campi! o cale! o done veneziane,
Benedete da Dio, fiori de avril,
14Che inamoré la zente anca lontane!
5
Le done veneziane xe un tesoro
Che inamora la zente co' un'ociada.
Le xe perle del mar, anzoli in coro,
4Belezze in casa soa, belezze in strada.
Me recordo. Ogni zorno, iluminada
Dai ragi del tramonto, una de loro,
Come superba zogia incastonada,
8Sporzeva al so balcon la testa d'oro.
